Putin Nüvə Sammitinə niyə getmir? - Kreml səbəbi açıqladı
Rusiya prezidenti Vladimir Putinin Vaşinqtonda keçiriləcək nüvə sammitindən imtinasının səbəbi açıqlanıb. “Qafqazinfo” xəbər verir ki, Putinin mətbuat katibi Dmitriy Peskov bildirib ki, buna səbəb sammitə hazırlıq çərçivəsində “qarşılıqlı fəaliyyət defisitinin” mövcud olmasıdır. Moskva hesab edir ki, nüvə təhlükəsizliyi məsələsi ilkin gedişatda ümumi, birgə səy, həmçinin, maraqların və mövqelərin qarşılıqlı nəzərə alınmasını tələb edir.
Qeyd edək ki, daha əvvəl ABŞ prezidentinin köməkçisinin müavini Ben Rods bildirmişdi ki, Rusiya sammitdə iştirakdan imtina etməklə nüvə təhlükəsizliyi müzakirəsindən özünü təcrid etdi. Rusiya XİN-i isə buna cavab olaraq ABŞ-ın bəyanatının siyasiləşdiyini vurğulamışdı.
