Terror təhdidi: 9 məktəb boşaldılıb
Almaniyanın Braunşveyq şəhərində 9 məktəb terror təhlükəsinə görə boşaldılıb.
Axar.az xəbər verir ki, dünən axşam saatlarında bir neçə məktəbin elektron poçt ünvanına həmin təhsil ocaqlarına hücum olunacağı ilə bağlı məktub göndərilib. Bundan sonra məktəb rəhbərləri bu gün dərs olmayacağını elan edib.
Polis hadisə ilə bağlı geniş araşdırma başladıb. Məktəblərdən birində şübhəli çanta tapılsa da, içindən hər hansı partlayıcı maddə və ya silah çıxmayıb.
