Yunanıstandakı türk məktəbləri bağlandı
Yunanıstan hökuməti Qərbi Frakiya bölgəsində 9 türk dilli məktəbin qapısını bağlayıb, habelə məktəblərdə türkcə dərslərin saatlarını da azaldıb.
"Report" xəbər verir ki, yeni tədris ilində Yunanıstan hökuməti etnik azlıqlara məxsus 60 məktəbi bağlayıb. Məlumata görə, Yunanıstan Təhsil Nazirliyi bunu həmin məktəblərdə şagirdlərin sayının az olması ilə əlaqələndirir.
Gümülcinedəki Cəlal Bayar adına azlıqların orta məktəbi və liseyi cəmiyyətinin İdarə Heyətinin üzvü Ahmet Arif Emin təhsil ocağına son zamanlar gələn şagirdlərin sayının artdığını bildirib: "Bu il liseydə 175 yeni şagird qeydə alınıb. Bununla da məktəbdəki şagirdlərin sayı 820-yə çatıb".
