Bərzani Dəmirdaşla görüşdü
Türkiyənin Xalqların Demokratik Partiyasının (HDP) sədri Səlahəddin Dəmirdaşın rəhbərliyindəki bir qrup siyasətçi İraq Kürd Muxtar Vilayətinə səfər edib.
Axar.az xəbər verir ki, bu barədə informasiyanı Türkiyə mətbuatı yayıb. Səfər zamanı HDP nümayəndə heyəti İraq Kürd Muxtar Vilayətinin rəhbəri Məsud Bərzani ilə görüşüblər. Dəmirdaşla bərabər, İraqa 5 millət vəkili də yola düşüb.
Qeyd edək ki, HDP sol yönümlü partiya hesab edilir və əsasən kürdlərin haqlarının qorunması üçün nəzərdə tutulub. Partiyanın əsas hədəflərindən biri Türkiyədəki kürdlər üçün muxtariyyət əldə etməkdir. Bundan öncə HDP dəfələrlə hökumət tərəfindən PKK-ya və PYD-yə dəstəkdə ittiham olunub.
