"Türkiyəyə qayıtmağa hazıram" - Gülən şərt qoydu
Türkiyədə dövlət çevrilişinə cəhddə ittiham edilən Fətullah Gülən bəyan edib ki, ABŞ Ankaranın onun ekstradisiyası ilə bağlı sorğusuna müsbət cavab verərsə, Türkiyəyə qayıtmağa hazırdır.
RİA Novosti xəbər verir ki, Gülən bu barədə ZDF telekanalına müsahibəsində deyib: “Əgər ABŞ müsbət cavab verərsə, mən gedəcəm, heç bir problem yoxdur”.
Qeyd edək ki, İstanbul məhkəməsi Fətullah Gülənin həbsi barədə qərar çıxarıb. Bundan sonra Türkiyə hökuməti ABŞ-a Gülənin ekstradisiyası ilə bağlı sorğu yollayıb.
