"Amerika Donbassda təxribat hazırlayır" - Sergey Şoyqu
ABŞ-ın özəl hərbi şirkətləri Ukraynanın şərqində kimyəvi komponentlərlə təxribat hazırlayır. “Report” TASS-a istinadən xəbər verir ki, bu barədə Rusiya Müdafiə Nazirliyinin rəhbəri Sergey Şoyqu bildirib.
Çərşənbə axşamı, dekabrın 21-də prezident Vladimir Putinin iştirakı ilə Müdafiə Nazirliyinin kollegiyasının genişləndirilmiş iclasında Şoyqu qeyd edib ki, amerikalılar təxribat törətmək üçün Avdeevka və Krasnı Liman şəhərlərinə naməlum kimyəvi komponentləri olan rezervurlar çatdırıblar.
Rusiya Müdafiə Nazirliyinin rəhbərinin sözlərinə görə, Ukraynaya ABŞ-dan 120-yə yaxın özəl hərbi şirkət nümayəndəsi gəlib.
