Daha bir ölkə Türkiyədən toyuq idxalını dayandırdı
Azərbaycandan sonra İraq Kürd Regional Rəhbərliyi də Türkiyədən toyuq idxalına qadağa qoyub. Bildirilir ki, İraq Kürd Regional Rəhbərliyinin Kənd Təsərrüfatı Nazirliyi qadağaya quş qripini səbəb göstərib.
İraq həmçinin, İranda da toyuq alınmasına məhdudiyyət qoyub. Kənd Təsərrüfatı Nazirliyi quş qripi ilə mübarizə üçün 500 min dollar büdcə ayrıldığını da açıqlayıb. Türkiyə tərəfi isə açıqlayıb ki, Türkiyədə quş qripinə qarşı lazımi mübarizə tədbirləri görülüb. Bildirilir ki, qrup qripi cəmi iki bölgədə aşkarlanıb və orada karantin tətbiq olunub. Bölgədəki riskli heyvanlar tələf edilib. Artıq risk aradan qaldırılıb.
