Sabirabadda bir ailənin üç üzvünü ölümlə hədələyərək pul tələb ediblər
Sabirabad rayonunda bir ailənin üç üzvünü ölümlə hədələyərək pul tələb ediblər.
Daxili İşlər Nazirliyindən APA-ya verilən məlumata görə, Sabirabad rayon sakini Hacıbala Məmmədov polisə ərizə ilə müraciət edərək Mübariz və Fariz adlı şəxslərin onu, atasını və dayısını öldürəcəkləri ilə hədələyərək pul tələb etdiklərini bildirib.
Araşdırmalar nəticəsində H. Məmmədovdan hədə-qorxu ilə pul tələb edən şəxslərin Mübariz Bağırov və onun qardaşı Fariz Bağırov olmaları müəyyən edilib. Hazırda adıçəkilən şəxslərin tutularaq məsuliyyətə cəlb edilməsi istiqamətində tədbirlər davam etdirilir.
