Sələmçinin evinə basqın - Maskalı şəxslər külli miqdarda pul apardı
Ağstafa rayonunda mənzilə basqın edən maskalı şəxslər xeyli pul və qızıl oğurlayıb. Rayonun Poylu qəsəbəsində yaşayan 1947-ci il təvəllüdlü Səmayə Baxşıyevanın mənzilinə daxil olan şəxslər qadına qarşı zor tətbiq edib. Naməlum şəxslər mənzildən 13 min dollar, 1800 manat və xeyli miqdarda qızıl götürərək uzaqlaşıb. Bildirilir ki, S.Baxşıyeva sələmçi kimi fəaliyyət göstərib və basqınçılar qadının evində pul olmasından məlumatlı olub. Faktla bağlı cinayət işi açılıb, araşdırma aparılır.
