Kəşfiyyat Vatsap yazışmalarını oxuya bilir – Mark Zukerberq
Yeniavaz.com xəbər verir ki, Zukerberq bu barədə jurnalist Co Roqana verdiyi müsahibədə bildirib.
Milyarderin sözlərinə görə, bu, yalnız xüsusi hallarda, məsələn, konkret şəxsin yazışmalarına daxil olmaq üçün “Pegasus” kimi xüsusi proqram təminatı vasitəsilə sındırıldıqda mümkündür.
Zukerberqin sözlərinə görə, mesajların şifrələnməsi bu halda kömək etmir.
Zukerberq bir neçə il əvvəl ABŞ Demokratik Partiyasının təzyiqi ilə “Meta” sosial şəbəkələrində yaranan senzura məsələsinə də toxunub. O, Donald Trampın mediada və sosial şəbəkələrdə yayılan dezinformasiya sayəsində 2016-cı il seçkilərində qalib gəldiyini iddia edib. Bundan əlavə, Zukerberq COVID-19 pandemiyası zamanı ABŞ hakimiyyətinin təzyiqlərindən danışıb.
Zukerberqin sözlərinə görə, onun şirkəti işə yanaşmasını yenidən nəzərdən keçirir və senzuranı azaltmağa sadiqdir. Xüsusilə, “Meta” ifadə azadlığını öz platformalarına qaytarmaq üçün fakt yoxlama xidmətlərini ləğv etməyi planlaşdırır.
