“Slavyanka” sularının da qiyməti artdı - yerli məhsul olsa da...
Gədəbəy rayonunda fəaliyyət göstərən "Gədəbəy Mineral Suları” fabrikinin məhsullarının qiyməti qaldırılıb. Artıq Bakı şəhərindəki mağazalarda 19 litrlik balonlarda satılan "Slavyanka 1″ markalı təbii bulaq suyunun qiyməti 50 qəpik bahalaşaraq 4 manat olub. Əvvəl bu məhsul 3 manat 50 qəpiyə satılırdı.
Mağazalardan birinin satıcısı "Azadlıq" qəzetinin əməkdaşına bildirib ki, məhsulun istehsalçısı "Gədəbəy Mineral Suları” MMC-də qiymət artımının səbəbini istehsal xərclərinin artması ilə əsaslandırırlar. Xatırladaq ki, "Slavyanka” sularının mənbəyi Gədəbəyin Slavyanka kəndində yerləşən "Novlu” bulağıdır. "Gədəbəy Mineral Suları” fabriki isə 2010-cu ildə Gədəbəy rayonunun Zəhmət kəndində istifadəyə verilib.
