Parlament buraxılır: Sabiq baş nazir seçkilərə qatılır - Tarix açıqlandı
Mövzu ilə bağlı Globalinfo.az-a danışan Azərbaycan Xalq Partiyasının (AXP) sədri, sabiq baş nazir Pənah Hüseyn deyib ki, parlament seçkilərinin nə vaxt keçiriləcəyi haqqında məlumatı yoxdur:
“Hələ bu barədə bizdə də məlumat yoxdur. Bildiyiniz kimi, rəsmi məlumat verilməyib. Növbəti parlament seçkilərində biz də AXP olaraq iştirak etməyi düşünürük. Bu istiqamətdə partiya daxilində müəyyən işlər, müzakirələr gedir”.
AĞ Partiya başqanı Tural Abbaslı deyib ki, seçkilər noyabrda baş tutmasa, növbədənkənar hesab ediləcək:
“Bunun üçün də parlament üzvləri müəyyən prosedurları həyata keçirməlidirlər. Güman ki, yay aylarında proses baş tutacaq. Aprel ayının ikinci yarısında Milli Məclisin özünü buraxdığını və növbədənkənar seçkilərin başladığını eşidə bilərik”.
Ağ Partiya başqanı seçkilərə hazırlaşdığını bildirib:
“Namizədlərin müəyyən olunması, namizədlər üçün lazımi imzaların toplanması, təbliğat-təşviqat işlərinin aparılması, bəzi maliyyə məsələləri, şüarlar, vədlər və s. ilə bağlı bir neçə aydır idarə heyətinin hər bir iclasında müzakirələr aparırıq. Seçkilərdə iştirak etmək niyyətindəyik. Ağ Partiya olaraq maksimum dairələri əhatə etməyə çalışacağıq”.
