Almaniyadan Türkiyəyə əleyhinə addım - Ərdoğan tərəfdarlarına qarşı istintaq başladı
Ştutqart prokurorluğu çevriliş cəhdindən sonra FETÖ-yə yaxın firmalara boykot çağırışı edənlər haqqında istintaq başladıb. Avropa.info xəbər verir ki, Almaniyada Ştutqart prokurorluğu Türkiyədə baş vermiş 15 iyul çevriliş cəhdindən sonra Gülən camaatına yaxınlığı ilə bilinən şirkətlərə qarşı insanları internet vasitəsilə boykota çağıran şəxslər haqqında istintaq başladıb.
Mətbuatda yayılan xəbərə görə prokurorluqdan verilən açıqlamada məsələ ilə bağlı 15 nəfər xalqı ayağa qaldırmaqda ittiham olunurlar. “Bild” qəzeti xalqı boykota çağıran şəxslərin Türkiyə prezidenti Rəcəb Tayyib Ərdoğanın tərəfdarları olduğunun ehtimal olunduğunu yazıb.
Xatırladaq ki, çevriliş cəhdindən sonra bəzi şəxslər FETÖ ilə əlaqəsi olduğu üçün internet vasitəsilə insanları həmin şirkətləri boykot etməyə çağırmışdı.
