Bəylə gəlin səsvermədə: Gəncədə və Şəkidə maraqlı hadisə - FOTO+VİDEO
Şəkidə 115 saylı dairə-seçki komissiyasının 6 saylı məntəqəsində maraqlı hadisə yaşanıb: Bəy və gəlin səsvermədə iştirak ediblər.
Baxmayaraq ki, onlar üçün həyatlarının ən əlamətdar günlərindən biridir, ancaq ölkə üçün əhəmiyyət kəsb edən referendum səsverməsindən kənarda qalmayaraq, əvvəlcə seçki məntəqəsinə gedərək səsvermədə iştirak ediblər.
Daha sonra bəylə gəlin seçki məntəqəsindən birbaşa şadlıq sarayına yola düşüblər (ARB TV).
* * *
Oxşar hadisə Gəncədə də baş verib. 39 saylı Kəpəz birinci (Gəncə) Seçki Dairəsinin 15 saylı məntəqəsində Xaliq Aydınlı və Təhminə Səmadzadənin toy günü Referendum gününə təsadüf etdiyindən, gənclər bəy-gəlin libasında seçki məntəqəsinə gəliblər və Konstitusiya islahatlarına səs veriblər.
Xaliq Aydınlı bildirib ki, 26 sentyabr bizim həyatımıza əbədi həkk olunacaq: `Çünki bu gün bizim həyatımızın uğur başlanğıcıdır.Biz xoşbəxt olacağımıza inanırıq və bu xoşbəxtliyə, gözəl gələcəyimizə səs veririk`.
