Abşeronda ata siqaret yandırdı Bütün ailəsi yandı
Azərbaycanda bir ailə həyatdan silinib. Abşeron rayonunda ani qığılcım 4 nəfərdən ibarət gənc ailənin çırağını əbədi söndürüb.
Milli.Az xəbər verir ki, Qobu qəsəbəsində bir neçə gün əvvəl fərdi yaşayış evində partlayış olub. Partlayış nəticəsində ata, ana və iki azyaşlı qız ağır yanıq xəsarətləri ilə Yanıq Mərkəzinə çatdırılıblar. Lakin həkimlər onların həyatını xilas edə bilməyiblər. Ailənin bütün üzvləri xəstəxanada dünyasını dəyişiblər. Onlar Beyləqan rayonuna aparılaraq dəfn ediliblər.
Hadisə atanın siqaret yandırması nəticəsində baş verib. O, evə qaz sızmasından xəbərsiz olub. Səhər tezdən siqaret yandırarkən ani partlayış baş verib.
