İndoneziyada qadınlara kişilərlə nahar etmək qadağan olundu
İndoneziyanın Bireen dairəsinin Açex bölgəsində qadınlarla kişilərin birlikdə qida qəbul etməsi qadağan olunub.
Oxu.Az xəbər verir ki, bununla bağlı “The Independent” məlumat yayıb.
Bununla hökumət qadınların daha da “dindar” olmasını istəyir.
Yeni qaydalara dairədəki bütün kafe və restoranlar riayət etməlidir. İslam işləri üzrə idarənin yerli rəhbərlərinin fikrincə, qadınlar kişilərlə birlikdə qida qəbul etdiyi zaman şəriət qaydalarını pozurlar: qadınlar bunu ancaq yaxın qohumları və ya həyat yoldaşları ilə edə bilərlər.
Məmur əlavə edib ki, bu qayda qadınların hüquqlarını qoruyacaq, onların özlərini rahat hiss etməsinə imkan verəcək və şəriət qanunlarının pozulmasının qarşısını alacaq.
