İran və Fransa arasında pul köçürmələri dayandırılır - Son tarix 4 noyabr
Artıq iki ildir ki, Fransa bankları iranlılara aid hesabları müəyyənləşdirərək onları bağlayır. Ona görə bu, şişirdiləcək yeni məsələ deyil.
Trend-in məlumatına görə, bunu İran və Fransa Birgə Ticarət Palatasının iranlı həmsədri Mehdi Miremadi İSNA-ya deyib.
M.Miremadi bank hesablarının dondurulmasının yeni sanksiyalarla əlaqədar olmadığını və iranlıların hesablarının dondurulmasının ABŞ-ın öncəki sanksiyalar dövründən başlandığını bildirib:
“Bir bank bir hesabı dondurursa, bu məsələ şişirdilməməlidir. Bütün böyük banklar hesabın iranlıya aid olduğunu müəyyənləşdirdikdə, o hesabı dondururlar. Kiçik banklar haqda məlumat yoxdur”.
İran və Fransa Birgə Ticarət Palatasının iranlı həmsədrinin sözlərinə görə, 4 noyabra qədər pul köçürməsi mümkündür. Lakin o tarixdən sonra Mərkəzi Bankın da adının sanksiyalar siyahısında olduğuna görə, pul köçürməsi çətinləşəcək.
