Angela Merkel siyasətdən gedəcəyi tarixi açıqlayıb
Almaniya Kansleri Angela Merkel Xristian Demokrat İttifaqının dekabrda keçiriləcək qurultayında partiya sədrliyinə namizədliyini irəli sürməyəcəyini bildirib.
“Report” “Hürriyet”ə istinadən xəbər verir ki, o, bunu oktyabrın 29-da partiyasının rəhbərliyi ilə görüşdə deyib.
Qeyd edək ki, Angela Merkel Xristian Demokrat İttifaqına 18 ildir rəhbərlik edir. Parlament seçkilərindən sonra Hessedə yerli seçkilərdə məğlub olub.
Angela Merkel 1954-cü il iyulun 17-də Hamburq şəhərində doğulub. 2005-ci il noyabrın 22-dən Almaniyanın Kansleridir. 2000-ci il aprelin 10-dan isə Xristian Demokrat İttifaqına sədrlik edir.
Angela Merkelin partiya sədrliyinə namizədliyini irəli sürməməsi həm də onun növbəti parlament seçkilərində iştirak etməməsi deməkdir.
