General Hüseynov YAP-çı həkimə qarşı FOTO
59 saylı Salyan seçki dairəsinin bu gün keçirilən iclasında deputatlığa namizədlər qeydə alınıb. Virtualaz.org saytının Şirvan bürosu xəbər verir ki, noyabrın 1-nə təyin olunan növbəti seçkilərdə iştirak etmək üçün Azərbaycanın sabiq hərbi komissarı, ehtiyatda olan general-leytenant, deputat Əlağa Hüseynov və namizədliyi YAP siyahısı üzrə irəli sürülmüş həkim-travmotoloq İlqar Ağabəyov ilk namizədlər kimi qeydə alınıblar.
Xatırladaq ki, 59 saylı Salyan seçki dairəsi üzrə daha 4 nəfər namizədliyini irəli sürüb. Bunlar Müsavat Partiyasının Divan üzvü Valeh Hümmətoğlu, 2001-2004-cü illərdə Salyanın icra başçısı işləmiş Yusif Ələkbərov, Ümid Partiyası sədrinin müavini Rüfət Muradlı və VHP-ni təmsil edən jurnalist Ramal Hüseynovdur.
