Bir icra başçısı hasara aldı, digəri sökdürdü - FOTO
Salyan rayonunda 1941-1945-ci il müharibəsində həlak olmuş salyanlıların xatirəsinə inşa olunmuş abidə kompleksi ətrafındakı hasar sökülüb.
“Qafqazinfo” xəbər verir ki, bu barədə rayon sakinləri məlumat yayıb.
Həmin abidə keçmiş icra başçısı Tahir Kərimovun dövründə hasara alınmışdı. İddiaya görə, abidənin divarlar arxasına salınmasında məqsəd ərazisindəki yolkalılıq sahəsinin satılması olub. Yeni başçı isə həmin ərazinin əvvəlki vəziyyətinə qaytarılması ilə bağlı göstəriş verib.
Qeyd edək ki, prezident İlham Əliyevin bu ilin martın 4-də imzaladığı sərəncamla Tahir Kərimov vəzifəsindən azad olunub. Onun yerinə Sevindik Hətəmov təyin edilib.
